Парывісты вецер будзе гаспадарыць у Беларусі да канца тыдня
Вецер, ілюстрацыйнае фота / pexels.com
У пятніцу, 10 студзеня, у Беларусі чакаецца пераважна воблачнае надвор'е, паведамляе Белгідрамет.
На большай частцы тэрыторыі краіны пройдуць ападкі ў выглядзе дажджу і мокрага снегу. Уначы і зранку месцамі прагназуюцца слабыя туман і галалёд, на асобных участках дарог — галалёдзіца, як і ў чацвер.
Вецер будзе паўднёвы, паўднёва-заходні парывісты. Зранку і ўдзень месцамі па захадзе краіны чакаецца моцны парывісты вецер — да 15-18 метраў за секунду.
Тэрмометры ўначы пакажуць ад -1 да +5 градусаў, а ўдзень паветра прагрэецца да 3-5 градусаў вышэй за нуль.
На выходных таксама прагназуецца галалёдзіца і парывісты вецер. Аднак пры гэтым пахаладае, бо чакаецца паступленне прахалодных паветраных мас паўночнаатлантычнага паходжання.
