Пасля наезду на выдру аўтамабіль урэзаўся ў дрэва. Загінула пасажырка (фота)
Пасля наезду на выдру аўтамабіль урэзаўся ў дрэва — загінула пасажырка. Жахлівая аварыя адбылася ўвечары 30 чэрвеня ў Пружанскім раёне, паведамляе прэс-служба ДАІ Брэсцкай вобласці.
Па папярэдняй інфармацыі, 39-гадовы кіроўца аўтамабіля “Фольксваген Шаран” на 3-м кіламетры трасы “Пружаны — Бяроза” наехаў на выдру, пасля чаго з'ехаў у кювет, дзе сутыкнуўся з дрэвам.
У выніку здарэння 37-гадовая жонка кіроўцы ад атрыманых траўмаў памерла на месцы аварыі. Кіроўцу з закрытай чэрапна-мазгавой траўмай і пераломам асновы чэрапа шпіталізавалі ў Пружанскую цэнтральную раённую бальніцу.
Па факце дарожна-транспартнага здарэння праводзіцца праверка.
