Пасля ўвядзення санкцый у Расіі прадалі 1,5 тоны беларускага масла за дзень

Пра гэта ён заявіў 15 жніўня падчас наведвання агракамбіната “Скідзельскі ", паведамляе дзяржаўнае агенцтва БелТА. Паводле Лукашэнкі, у Расіі адзначаецца павышаны попыт на прадукцыю з Беларусі. Толькі за адзін дзень у РФ прададзена 1,5 тоны беларускага масла.

Па словах міністра сельскай гаспадаркі і харчавання Леаніда Зайца, на пастаўках малочнай і мясной прадукцыі ў Расію са жніўня па снежань можна атрымаць выручку ў 2 мільярды долараў. Міністр таксама паведаміў, што ў Расіі падняліся цэны на малочную прадукцыю.

"Трэба варушыцца, выкарыстаць гэты момант і зарабіць грошы", - падкрэсліў Лукашэнка. "Трэба мець на ўвазе, што яны зачынілі свой рынак, але мы не бралі абавязацельствы па ўнутраным рынку… Мы можам завозіць сабе прадукцыю з любой кропкі планеты. Трэба загружаць, перапрацоўваць і прадаваць. Толькі трэба ўзгадняць з расіянамі, каб нас не папракалі, што мы ідзем насуперак з іх палітыкай. І не агаляючы уласны рынак, каб насельніцтва атрымлівала столькі прадукцыі, колькі трэба ", - заявіў Лукашэнка.