Польшча плануе завяршыць умацаванне мяжы з Беларуссю
Беларуска-польская мяжа / x.com/Straz_Graniczna
Польшча плануе завяршыць умацаванне мяжы з Беларуссю. Пра гэта ў інтэрв“ю брытанскаму выданню Financial Times расказаў намеснік міністра ўнутраных спраў Мацей Душчык.
Умацаванне мяжы з Беларуссю абыйдзецца Польшчы ў 610 мільёнаў долараў. Са слоў Душчыка, Варшава “мае намер завяршыць будаўніцтва памежнай загароды і закрыць мяжу з Беларуссю да наступнага лета”, гэта дазволіць “спыніць прыток мігрантаў”.
Паводле чыноўніка, гэта адбудзецца ў сярэдзіне 2025 года. У выніку сітуацыя на мяжы “будзе максімальна набліжаная да 100-адсоткавай бяспекі”.
Акрамя таго, Мацей Душчык анансаваў будаўніцтва дарогі ў памежжы “найбліжэйшымі месяцамі”. Гэта “дазволіць польскім войскам хутчэй рэагаваць на магчымыя парушэнні бяспекі”.
