Польскія памежнікі затрымалі 32 мігранты, больш за 600 развярнулі ў Беларусь

Колькасць спробаў незаконнага пранікнення ў Польшчу з тэрыторыі Беларусі не зніжаецца. У сераду польскія памежнікі казалі, што прадухілілі блізу 600 такіх спробаў, у чацвер іх было ўжо 633.

Затрыманыя 32 нелегальныя мігранты. 30 з іх — гэта грамадзяне Ірака, яшчэ двое — выхадцы з Сірыі. "Астатнія спробы былі спынены", распавялі ў памежнай службе Польшчы.

З пачатку кастрычніка польскія памежнікі прадухілілі ўжо больш за 12 тысяч спробаў парушэння мяжы.

На гэтым тыдні тэма нелегальнай міграцыі праз Беларусь у ЕС абмяркоўваецца на саміце лідэраў Еўрасаюза.

"Я чакаю, што беларускае пытаньне будзе закранутае, каб паглядзець, як спыніць гэтую непрымальную сітуацыю", — казаў напярэдадні саміту высокапастаўлены прадстаўнік ЕС.