Прадказальны тэрор: ці мог рэжым інакш адрэагаваць на пратэсты?
Прыхільнікі ідэі змены беларускага рэжыму праз яго паступовую трансфармацыю і дэмакратызацыю былі ў Беларусі заўжды. Маўляў, не дражніце злога сабаку — і ён не толькі кусаць вас не будзе, але, глядзіш, і пагладзіць сябе дазволіць, падабрэе з часам. Таму пратэсты 2020 года прыхільнікі гэтай ідэі не прынялі і назвалі іх памылкай.
Як павінны былі павесці сябе беларусы, сутыкнуўшыся з фальсіфікацыяй вынікаў выбараў? Ці былі ў рэжыму іншыя варыянты паводзінаў, апроч рэпрэсій і — па выніку — поўнай зачысткай грамадзянскай супольнасці? Ці была прадказальнай рэакцыя Захаду? Пра гэта ды шмат што іншае размаўляем з кіраўніком Савета па міжнародных адносінах “Мінскі дыялог” Яўгенам Прэйгерманам.
