Праваабаронцы: У Мінску міліцыянты затрымалі аднаго чалавека
Хлопца схапілі ў дварах каля станцыі метро "Кастрычніцкая". Прычына затрымання невядомая.
Як вядома, у сацыяльных сетках заклікалі да правядзення ўвечары ў пятніцу акцыі пратэсту аўтамабілістаў "Стоп-падатак". Папярэдняя акцыя прайшла 20 снежня, тады ў Мінску ў ёй удзельнічала каля 100 аўтамабілістаў. Сёння ж акцыя не адбылася — верагодна, спрацавалі папярэджанні ДАІ. Сігналілі толькі адзінкавыя машыны. Паводле некаторых дадзеных, былі факты, калі некаторых кіроўцаў у цэнтры Мінска штрафавалі.
Нагадаем, аўтамабілісты пратэстуюць супраць увядзення дзяржпошліны за допуск аўтамабіля да ўдзелу ў дарожным руху.
