Прэзідэнт Чэхіі дазволіў 103 грамадзянам служыць ва ўкраінскай арміі
Прэзідэнт Чэхіі Мілаш Земан дазволіў 103 грамадзянам служыць ва Узброеных сілах Украіны, паведамляе radio.cz. Дакумент яшчэ павінен падпісаць прэм'ер-міністр Пётр Фіяла.
Колькасць чэхаў, якія жадаюць паехаць ваяваць за Украіну і падалі адпаведныя заявы, складае 300-400 чалавек. Грамадзянам Чэхіі забаронена служыць у замежных арміях без дазволу кіраўніка дзяржавы. Чэшскія добраахвотнікі ўжо ваююць ва Украіне. Іх дакладная колькасць невядомая.
Дарэчы, 11 траўня з прэзідэнтам Чэхіі Мілашам Земанам сустракалася ў Празе Святлана Ціханоўская.
Prezident republiky Miloš Zeman podepsal rozhodnutí se souhlasem ke vstupu do ozbrojených sil Ukrajiny 103 občanům na základě jejich žádosti podané v souladu se zákonem č. 585/2004 Sb., o branné povinnosti a jejím zajišťování. Rozhodnutí podléhá kontrasignaci předsedy vlády.
— Jiří Ovčáček (@PREZIDENTmluvci) May 11, 2022
