Прэзідэнт Польшчы гаварыў з Зяленскім пра сітуацыю на мяжы з Беларуссю

8 лістапада прэзідэнт Польшчы Анджэй Дуда гаварыў па тэлефоне з прэзідэнтам Украіны Уладзімірам Зяленскім пра сітуацыю на польска-беларускай мяжы. Таксама ў панядзелак прэзідэнт Польшчы меў тэлефонную размову з прэзідэнтам Літвы. "Істотных рознагалоссяў няма. Усе бачаць, што робіць Лукашэнка", — напісаў у Twitter кіраўнік прэзідэнцкага бюро міжнароднай палітыкі Якуб Кумах.

Польскі прэзідэнт размаўляў са Святланай Ціханоўскай.

У панядзелак да беларуска-польскай мяжы прыйшла калона мігрантаў (2-4 тысячы чалавек), якія спрабавалі прарвацца ў Польшчу. Яны арганізавалі намётавае мястэчка недалёка ад мяжы. Беларускія памежнікі іх не чапаюць.