Прыватны касмічны апарат "Адысей" дасягнуў Месяца
"Адысей" / twitter.com/Int_Machines
Прыватны касмічны апарат Nova-C "Адысей" дасягнуў Месяца. Гэта першая за 50 гадоў пасадка на спадарожнік Зямлі, здзейсненая амерыканцамі. І першы выпадак, калі прыватны модуль зрабіў мяккую пасадку на Месяцы, паведамляе "Голас Амерыкі".
Запуск "Адысея" адбыўся 15 лютага з касмадрома на мысе Канаверал у ЗША. Афіцыйна місія называецца IM-1. Гэта абрэвіятура ад назвы кампаніі Intuitive Machines, якая распрацавала праект Nova-C. Серыя пасадачных модуляў павінны дастаўляць навуковую апаратуру на Месяц. Першы з іх мае назву "Адысей".
Intuitive Machines і NASA ўвечары 22 лютага паведамілі, што, нягледзячы на праблемы з сувяззю, ёсць пацверджанне паспяховай пасадкі "Адысея". З ім быў устаноўлены кантакт.
Чакаецца, што сёлета адбудзецца другі палёт прыватнага касмічнага апарата Nova-C. На Месяц плануюць даставіць, апроч іншага, метровы бур для даследавання грунту і лёду на паўднёвым полюсе.
Your order was delivered… to the Moon! @Int_Machines' uncrewed lunar lander landed at 6:23pm ET (2323 UTC), bringing NASA science to the Moon's surface. These instruments will prepare us for future human exploration of the Moon under #Artemis. pic.twitter.com/sS0poiWxrU
— NASA (@NASA) February 22, 2024
