Пуцін узнагародзіў дэсантную дывізію крымскіх "зялёных чалавечкаў"

76-я гвардзейская дэсантна-штурмавая Чарнігаўская Чырвонасцяжная дывізія ўзнагароджаная "за паспяховае выкананне баявых заданняў камандавання і праяўленыя пры гэтым асабістым складам мужнасць і гераізм", перадае . 

Раней паведамлялася, што менавіта гэтая дывізія захоплівала Крым пад выглядам "ветлівых людзей". 

Як заяўляў кіраўнік Пскова, дзе базуецца дывізія, Іван Цацэрскі, пскоўскія дэсантнікі прымалі ўдзел у захопе Крыма. Пра гэта ён паведаміў 14 чэрвеня на святкаванні Дня Расіі. 

Нагадаем, першапачаткова Пуцін адмаўляў ўдзел расійскіх вайскоўцаў у анэксіі Крыма. У сярэдзіне красавіка расійскі прэзідэнт упершыню заявіў, што "за спінай сіл самаабароны Крыма карэктна, але рашуча і прафесійна дзейнічалі расійскія вайскоўцы".