П'яны кіроўца збіў дзяўчыну і вёз яе ў бальніцу, але па дарозе быў затрыманы

У Гродне п'яны кіроўца на "Пежо" збіў дзяўчыну і павёз яе ў бальніцу, але па дарозе быў затрыманы. Здарэнне адбылося позна ўвечары 1 лютага. Інспектар ДПС спыніў аўтамабіль для праверкі дакументаў. У 21-гадовага кіроўцы ён заўважыў прыкметы алкагольнага ап'янення. Маладога чалавека павезлі на медасведчанне. Пазней стала вядома, што ўтрыманне алкаголю больш чым у два разы перавышае дазволенае, інфармуе прэс-служба ДАІ Гродзенскай вобласці.

На пярэднім пасажырскім сядзенні "Пежо" знаходзілася дзяўчына. Кіроўца сказаў, што гэта яго знаёмая, якую падвозіў. Але праз нейкі час дзяўчына сказала, што кепска сябе адчувае і агучыла іншую версію. На пешаходным пераходзе яе збіла "Пежо", пасля чаго кіроўца паабяцаў, што завязе ў медустанову.

Цяпер праваахоўнікі высвятляюць, ці не збіраўся кіроўца "Пежо" схаваць факт ДТЗ.