Рабочы, на якога на будаўніцтве станцыі мінскага метро абваліўся грунт, загінуў
Рабочы, на якога на будаўніцтве станцыі мінскага метро "Немаршанскі сад" (трэцяя лінія) абваліўся грунт, загінуў. Пра гэта паведаміў намеснік начальніка ўпраўлення Следчага камітэта па горадзе Мінску Дзяніс Шаман.
Трагічнае здарэнне адбылося ў пятніцу на вуліцы Кіжаватава. Ратавальнікі, шукаючы мужчыну, раскопвалі зямлю.
Распачата крымінальная справа (артыкул — "парушэнне правілаў бяспекі будаўнічых працаў, якое пацягнула па неасцярожнасці гібель чалавека"), праводзяцца следчыя дзеянні, прызначаны экспертызы.
На месцы будаўніцтва станцыі метро / СК
