Ракету, якая ўпала ў Іванаўскім раёне, збіла СПА Беларусі — Мінабароны
На месцы падзення ракеты / БЕЛТА
Ракету, якая ўпала ў Іванаўскім раёне, збіла супрацьпаветраная абарона Беларусі. Як паведамляе прэс-служба Мінабароны, здарэнне адбылося каля 10-й гадзіны раніцы.
Абломкі ракеты былі знойдзеныя на сельскагаспадарчым полі ў раёне вёскі Гарбаха Іванаўскага раёна Брэстчыны.
Паводле афіцыйных паведамленняў, гэта рэшткі зенітнай кіраванай ракеты С-300, выпушчанай з тэрыторыі Украіны.
На месцы здарэння працуюць вайскоўцы і следчыя. Звестак пра пацярпелых няма.
Жыхары Іванаўскага раёна распавялі Еўрарадыё, што пры падзенні ракеты "быў моцны выбух, нават вокны трэсліся".
