Расія завезла ў Беларусь пратэрмінаваныя ядзерныя боегалоўкі — Буданаў
Ракетны комплекс "Ярс" / ТАСС, ілюстрацыйнае фота / Ракетны комплекс "Ярс" / ТАСС
Гэта зброя савецкага ўзору, ужо прызначаная для ўтылізацыі.
Расіяне завезлі ў Беларусь пратэрмінаваныя ядзерныя боегалоўкі, сцвярджае кіраўнік украінскай разведкі Кірыл Буданаў.
Па яго словах, гэта зброя савецкага ўзору, якая ўжо была прызначаная для ўтылізацыі. "Падаўжаюць на адзін год тэрмін прыдатнасці і заганяюць у Беларусь. То бок, яны вырашаюць і пытанне ўтылізацыі, і, скажам так, маніпуляцыі", — кажа Буданаў у інтэрв'ю журналістцы Наталлі Масяйчук.
Раней ён казаў, што першыя ядзерныя боегалоўкі ўжо прыбылі з Расіі ў Беларусь. Але па выніках працы з ядзернымі імітатарамі выявілася, што беларускія вайскоўцы "цалкам не гатовыя да эксплуатацыі такой зброі".
