Рэферэндум: як выйграць, гуляючы па чужых правілах?
“Турыстаў”, якія дзіўным чынам ператварыліся спачатку ў мігрантаў, а потым — ва ўцекачоў, адвялі ад польскай мяжы, пасяліўшы ў лагістычным цэнтры. І нават пачалі пакрысе вяртаць на радзіму. Прапаганда падае гэта як вынік тэлефанавання ў Мінск экс-канцлеркі Германіі Меркель. Паралельна Масква заклікала Лукашэнку сесці за стол перамоваў з апазіцыяй, а апаненты ўлады выклалі план па зрыве канстытуцыйнага рэферэндума.
Ці магчыма перамагчы, гуляючы па чужых правілах і на чужым полі? З якой “апазіцыяй” пагодзіцца весці перамовы Лукашэнка і хто на гэта “купіцца”? Як сітуацыя на беларуска-польскай мяжы ўплывае на пазіцыю Масквы? На гэтыя ды іншыя пытанні адказвае палітычны аналітык Аляксандр Класкоўскі.
