Рэканструктары Брэста сёлета адмовіліся ад паказу абароны крэпасці
У Брэсце адмянілі рэканструкцыю абароны крэпасці. Пра гэта вайскова-гістарычны клуб "Гарнізон" паведаміў на сваёй старонцы "Вконтакте". Імпрэза была прызначаная на 22 чэрвеня.
Адмена звязаная з пандэміяй каранавіруса.
"Рашэннем Брэсцкага гарадскога выканаўчага камітэта адменена правядзенне рэканструкцыі абароны Брэсцкай крэпасці 2020. Мы вельмі шкадуем, але ў гэты нялёгкі час важна захаваць сваё здароўе", — гаворыцца ў паведамленні арганізатараў.
Летась у рэканструкцыі ўдзельнічалі каля паўтары тысячы чалавек з 11 краін.
Па стане на 26 траўня ў Беларусі зарэгістравана больш за 38 тысяч выпадкаў каранавіруса, 208 пацыентаў памерлі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
