Адміністрацыю прэзідэнта ўзначаліў Андрэй Кабякоў
Такое рашэнне прыняў Аляксандр Лукашэнка.
Да прызначэння на новую пасаду Кабякоў быў Надзвычайным і Паўнамоцным амбасадарам Беларусі ў Расійскай Федэрацыі. З 2000-га па 2010 год ён быў віцэ-прэм'ерам і карыстаўся рэпутацыяй рыначніка. Ад 28 снежня 2010 года па 8 лістапада 2011 года быў намеснікам кіраўніка Адміністрацыі прэзідэнта.
Кабякоў нарадзіўся ў 1960 годзе ў Маскве. Скончыў Маскоўскі авіяцыйны інстытут (1983), Беларускі дзяржаўны інстытут народнай гаспадаркі (1991), Інстыту паліталогіі і сацыяльнага кіравання КПБ (1991). Паводле адукацыі інжынер-механік, эканаміст, палітолаг.
Пасада кіраўніка Адміністрацыі вызвалілася каля тыдня таму. Нагадаем, што былы кіраўнік Адміністрацыі Уладзімір Макей прызначаны на пасаду міністра замежных справаў.
