Чым харчуюцца дэпутаты? (фота)
У Доме ўраду карэспандэнт Еўрарадыё з’еў філе птушкі “Фламінга”. Гэта была апошняя другая страва, што засталася. Дэпутаты з’елі і ўсе супы, уключна з малочным.
Вось меню, прапанаванае “насельніцтву” Дома ўраду 29 ліпеня ў мясцовым буфеце. Фота зробленае падчас перапынку ў пасяджэннях Цэнтрвыбаркама:
(фота ў большым памеры)
Еўрарадыё падлічыла, што самы танны абед з чатырох страваў можна ўзяць за 15 тысяч 550 рублёў. На гэтыя грошы можна набыць:
— салат з памідораў і гуркоў са смятанай;
— суп малочны прасяны;
— катлеты “Апетытныя” з бульбяным пюрэ;
— гарбата “Грынфілд” зялёная.
Самы дарагі абед будзе каштаваць 42 тысячы 950 рублёў.
А вось згодна са статыстыкай Белстата, абед з чатырох страваў у мінскай сталоўцы каштуе ў сярэднім 11 тысяч 400 рублёў. Усё ж дэпутаты харчуюцца лепш за сярэдняе.
Чытайце таксама, як харчуюцца супрацоўнікі Нацыянальнага банка.
