Палітвязень Ілля Васілевіч займеў апекуна
Яго вырашыў падтрымаць швейцарскі парламентарый Жан-Франсуа Стэйе. Такім чынам палітык далучыўся да кампаніі “Шэфства над палітвязнямі”.
Гэтая ініцыятыва даволі папулярная сярод еўрапейскіх палітыкаў. Так званыя “шэфы” або “апекуны” бяруць на сябе абавязак сачыць за праблемамі таго ці іншага вязня, дапамагаць, у тым ліку і матэрыяльна, ягонай сям'і ды, канечне ж, дамагацца вызвалення асуджанага.
Ілля Васілевіч — самы малады фігурант па справе 19 снежня. Яму ў жніўні спаўняецца 20 гадоў. Да таго ж гэты хлопец не належыць ні да якіх палітычных партый ці рухаў, паведамляе Радыё Свабода.
