Павел Севярынец будзе працаваць на “баўэра”
Сустаршыня аргкамітэта па стварэнні партыі "Беларуская хрысціянская дэмакратыя" знайшоў месца працы на "хіміі".
Севярынец будзе працаваць у фермерскай гаспадарцы “Бардо”, якая знаходзіцца на тэрыторыі былой ваеннай часткі ў вёсцы Куплін Пружанскага раёна. Пакуль невядома, што менавіта будзе рабіць Павел. У жывым эфіры Еўрарадыё ён паведаміў, што нешта пэўнае будзе вядомае заўтра.
Фермерская гаспадарка займаецца вырошчваннем бульбы, капусты, буракоў, морквы.
Нагадаем, што па справе аб падзеях 19 снежня Павел Севярынец быў асуджаны на 3 гады "хіміі".
