“Рэвалюцыянеры” заклікаюць улады спыніць правакацыі
Адпаведны адкрыты зварот арганізатары “маўклівай акцыі” распаўсюдзілі 28 чэрвеня.
Паступае ўсё больш паведамленняў, што кіраўнікі шэрагу дзяржаўных прадпрыемстваў усімі магчымымі спосабамі агароджваюць сваіх супрацоўнікаў ад удзелу ў акцыі, гаворыцца ў звароце.
Настаўнікаў прымушаюць весці на дыскатэку сваіх вучняў. Студэнтам раздаюць квіткі на канцэрты. На некаторых заводах плануюць зладзіць уласныя акцыі, але ў падтрымку ўлады. Іх час будзе супадаць з “маўклівай акцыяй”, якая павінна адбыцца 29 чэрвеня. Пры гэтым людзям часта пагражаюць звальненнямі.
“Рэвалюцыянеры” заклікаюць уладу адумацца і не падстаўляць сваіх падначаленых. Усе людзі маюць права выбару, падкрэсліваюць яны.
