Сёння БАТЭ гуляе з "Гомелем", па тэлебачанні матч не пакажуць
Цэнтральны матч 21-га тура пройдзе ў Барысаве, пачатак а 19-й гадзіне.
Нагадаем, каманды мусілі гуляць у суботу і планавалася тэлетрансляцыя. Аднак БАТЭ дамогся пераносу матчу на пятніцу. У выніку, яго не пакажуць. Вось што распавёў Еўрарадыё намеснік дырэктара дырэкцыі спартовага вяшчання Белтэлерадыёкампаніі Дзяніс Дудзінскі:
210817 DudinskiBT.mp3
"Ён планаваўся ў суботу... Мы ад пачатку дамаўляліся на гэты час, але з-за таго, што БАТЭ прайшоў на наступную стадыю еўракубкаў, яны папрасілі перанесці гульню. А праграма ўжо была гатова".
Адзначым, што матч плэй-оф кваліфікацыі Лігі чэмпіёнаў БАТЭ правядзе з ізраільскім "Хапаэлем" толькі 22 жніўня.
Замест матчу БАТЭ — "Гомель" пакажуць матч 21-га тура "Нёман" — "Нафтан", які пройдзе ў Гродне.
На здымку: 12 траўня ў матчы "Гомель" — БАТЭ барысаўчане святкавалі перамогу з лікам 1:0. Адзіны гол забіў Бага.
Глядзі таксама: БАТЭ выйграў у "Гомеля", Ганчарэнка сыйшоў з прэс-канферэнцыі (фота+відэа)
