Сёння адзначаецца Міжнародны дзень правоў чалавека

Праваабарончы сайт “Вясна” паведамляе, што ў гэты дзень адбудуцца некалькі мерапрыемстваў.

Так, сёння пройдзе традыцыйнае ўручэнне прэмій за выключныя дасягненні ў галіне абароны правоў чалавека па трох намінацыях — “Праваабаронца года”, “Адвакат года” і “Журналіст года”.  Пераможцы будуць абвешчаныя а 15-й на офісе грамадзянскай ініцыятывы “Салідарнасць” .

А 11-й пачнецца круглы стол "Правы чалавека ў Беларусі. Вынікі 2012 года". У ім прымуць удзел беларускія НДА і прадстаўнікі Penal Reform International.

На сядзібе БНФ (вул.Чарнышэўскага, 3) а 18-й адбудзецца адкрыццё мастацкай выставы Вольгі Бабурынай. Мастачка аформіла 30 артыкулаў Усеагульнай дэкларацыі правоў чалавека выцінанкай.

Тамсама будуць падведзеныя вынікі абвешчанага праваабаронцамі “Вясны” конкурсу  вырабаў hand-made на праваабарончую тэматыку. Галоўны прыз — графічны планшэт.

Фота — zn.ua