У "чорны спіс" ЕС трапіць яшчэ дзясятак беларускіх чыноўнікаў
23 траўня міністры замежных справаў Еўрасаюзу мяркуюць пашырыць візавыя санкцыі супраць афіцыйнага Мінску прыблізна на 10 новых прозвішчаў.
Пашырэнне візавых забаронаў з'яўляецца адказам Еўрасаюзу на прысуды па "справе 19 снежня".
Міністры замежных справаў ЕС 23 траўня таксама абмяркуюць агульную сітуацыю ў Беларусі і палітыку Брусэля наконт Беларусі. На мінулым тыдні вярхоўная прадстаўніца ў пытаннях замежнай палітыкі ЕС Кэтрын Эштан заявіла пра гатоўнасць ЕС разгледзець "далейшыя мэтанакіраваныя абмежавальныя меры ва ўсіх галінах супрацоўніцтва" з афіцыйным Менскам.
Тым часам, па звестках Радыё "Свабода", пакуль што ў Брусэлі не разглядаецца ўвядзенне эканамічных санкцый супраць беларускага рэжыму.
