У Мінску адкрылі праваабарончую арганізацыю для інвалідаў
У Мінску адбылася прэзентацыя грамадскай праваабарончай арганізацыі “Офіс па правах людзей з інваліднасцю”.
Яе заснавальнік — прыватная асоба, а партнёры — вядомыя ў Беларусі праваабаронцы і грамадскія арганізацыі. Галоўная задача “Офісу” — юрыдычная і праваабарончая падтрымка людзей з абмежаванымі магчымасцямі, а таксама практычная дапамога ў сацыялізацыі і стварэнні так званых безбар’ерных асяродкаў.
Патрэбу ў такой дапамозе маюць больш як 504 тысячы інвалідаў, паведаміў Радыё Свабода заснавальнік арганізацыі і намеснік кіраўніка грамадскай арганізацыі інвалідаў-вазочнікаў Сяргей Драздоўскі.
