У Наваполацку аштрафаванага за “маўклівую сераду” хочуць звольніць з працы
Сёння раніцай Алег Крайко, які працуе грузчыкам на заводзе “Палімір”, быў выкліканы да начальніка цэха.
Яго непасрэдны начальнік, Аляксандр Мурыгін, змусіў Крайко напісаць заяву пра тое, што не будзе больш ўдзельнічаць у “акцыях маўчання”. Але пры гэтым папярэдзіў, што дырэктар завода Алег Жэбін усё адно будзе настойваць на яго звальненні.
У мінулую пятніцу Алега Крайко, затрыманага падчас “маўклівай” акцыі 13 ліпеня, Наваполацкі суд пакараў штрафам. У гэты ж дзень намеснік дырэктара па ідэалагічнай працы Сяргей Брыку праводзіў нараду, дзе разглядалася пытанне пра “маўклівых” працаўнікоў.
