Узнагароджаныя пераможцы Belarus Press Photo 2012 (фота)
Гран-пры за партрэт Любові Кавалёвай атрымаў Аляксандр Васюковіч.
Цырымонія узнагароджвання пераможцаў праходзіла ў галерэі Ў. Там жа можна было пабачыць і ўсе працы-пераможцы. А сёлета гэта ажно 280 здымкаў. Вёў імпрэзу Лявон Вольскі, скончыўшы яе невялікім канцэртам — нячастая зараз з'ява для беларускай сталіцы.
Аляксандр Васюковіч атрымлівае Гран-пры з рук гуру расійскай фотажурналістыкі, пулітцэраўскага лаўрэата і кіраўніка маскоўскага бюро Associated Press Аляксандра Землянічанкі.
Фота, якое атрымала Гран-пры.
Афіцыйная частка хутка перайшла ў больш разняволеную.
Выстава ў галерэі Ў правісіць толькі два дні, таму некаторыя наведвальнікі спяшаліся яе захаваць на свае мабільныя тэлефоны.
Пасля афіцыйнай часткі цырымоніі Лявон Вольскі парадаваў прысутных песнямі з "Народнага альбому" і некаторымі старымі хітамі часоў N.R.M. Людзям вельмі спадабалася.
Таньчылі нават мэтры беларускай фотажурналістыкі. На фота — Сяргей Грыц.
Пабачыць усе здымкі-пераможцы можна на афіцыйным сайце конкурса — pressphoto.by
