За ўдзел у "маўклівай акцыі" пратаколы ў краіне склалі на 130 чалавек
Усе яны трапяць пад адміністрацыйныя суды.
Міліцыянты заяўляюць, што ўдзельнікі "маўклівай акцыі" "гучна выкрыквалі нецэнзурныя выразы на адрас супрацоўнікаў міліцыі". Агулам, па звестках міліцыі, якія цытуе БелаПАН, у Мінску ў акцыі ўдзельнічалі каля 350 чалавек. Нагадаем, што праваабаронцы ацэньваюць лічбу ўдзельнікаў у паўтары тысячы чалавек.
У розных гарадах краіны міліцыянты даставілі ў пастарунак 269 чалавек. З іх на 130 склалі пратаколы за дробнае хуліганства, непадпарадкаванне міліцыянтам, удзеле ў несанкцыяванай акцыі.
