Змітра Дашкевіча ўначы адправілі ў калонію ў Горках
Пра гэта паведаміла намесніца старшыні "Маладога Фронту" Наста Палажанка.
Як нагадвае "Беларускі партызан", толькі пару дзён таму бацька маладафронтаўца Вячаслаў Дашкевіч перадаў пісьмовую просьбу перавесці сына бліжэй да дому.
Прычынай сталі не толькі звесткі, што папраўчая калонія №9 мае вельмі кепскую рэпутацыю. Сам бацька палітвязня — інвалід 2-й групы, ён мае пратэз нагі. Нядаўна Вячаслаў Дашкевіч застаўся адзін, і ехаць на спатканні больш за 400 км яму абсалютна немагчыма.
Адказ бацьку абяцалі даслаць па пошце на працягу двух тыдняў. А тым часам сына паціху этапавалі ў Горкі.
