РСП - ЭВМ = ?
Прыдумай лепшую версію таго, чаму дуэт ЭВМ больш не танцуе на канцэртах Разбітага Сэрца Пацана і атрымай падарункі ад гурта і Еўрарадыё.
13 лютага гурт Разбітае Сэрца Пацана разам з гуртамі Trubetskoy, Akute, Мутнаевока і Haina выступіць на ўручэнні музычнай прэміі Еўрарадыё "Даём Рады". На жаль, незабыўнага дуэта ЭВМ з хлопцамі з РСП больш не пабачыш (не выключана, што яго месца зноў зойме Аляксандр Саладуха). Што ж стала прычынай расстання года? На гэты конт музыка РСП Дзяніс Тарасенка прапануе абвясціць конкурс:
"Той, хто найбольш глыбока і разгорнута адкажа на гэтае пытанне: "Чаму разышліся РСП і ЭВМ", атрымае абсалютна бясплатна сувенірны дыск з нашым новым альбомам! Плюс, мы зробім гэты адказ нашай афіцыйнай версіяй і будзем менавіта так адказваць на ўсе пытанні на гэтую тэму!"
Еўрарадыё ў сваю чаргу павышае стаўкі і дорыць за лепшы адказ на сакраментальнае пытанне яшчэ і 2 квіткі на фэст "Даём Рады".
Адказы чакаем на [email protected] з паметкай "РСП-ЭВМ" да 23 студзеня. Вынікі глядзіце на сайце 26 студзеня.
Фота: Яўген Ерчак для budzma.by
