СААЗ упершыню расказала, што можна лічыць посткавідным станам
Беларускія лекары ў палаце, дзе лечаць хворых на каранавірус / t.me/minzdravbelarus
Сусветная арганізацыя аховы здароўя ўпершыню дала вызначэнне посткавіднаму стану пацыентаў.
"Гэты стан наступае ў людзей з гісторыяй імавернага або пацверджанага заражэння SARS-CoV-2, як правіла, праз тры месяцы пасля пачатку COVID-19, з сімптомамі, якія доўжацца прынамсі два месяцы і не могуць быць растлумачаныя альтэрнатыўнымі дыягназамі" — патлумачыла СААЗ у інфармацыйным бюлетэні.
Сімптомы посткавіднага стану звычайна ўключаюць стамляльнасць, задышку, кагнітыўную дысфункцыю, але ёсць і іншыя. Яны праяўляюцца праз тры месяцы пасля пачатку хваробы, доўжацца прынамсі два месяцы і "не могуць быць растлумачаныя альтэрнатыўнымі дыягназамі".
Сімптомы могуць з часам мяняцца, слабець і ўзмацняцца, а таксама знікаць і з'яўляцца зноў, адзначае СААЗ.
