Сем гадоў таму адбыўся тэракт у мінскім метро

Падазраваных у арганізацыі і здзяйсненні тэракту затрымалі на наступны дзень. Пяцярых маладых людзей “узялі” на арандаванай кватэры ў доме па вуліцы Караля ў Мінску. Пра іх арышт паведамілі праз два дні, 14 красавіка — такую інфармацыю агучыў намеснік генеральнага пракурора Беларусі Андрэй Швед. Пазней траіх падазраваных адпусцілі і пад вартай засталіся толькі два фігуранты справы — жыхары Віцебска Дзмітрый Канавалаў і Уладзіслаў Кавалёў. Ім і выставілі абвінавачанне ў арганізацыі тэракту.

Суд па гэтай справе быў неадназначна ўспрыняты ў грамадстве. У некаторых удзельнікаў працэсу ён пакінуў шмат пытанняў і не даў чаканых адказаў. Але, нягледзячы на розныя неадпаведнасці і немагчымасць адвакатаў прывесці ўсе свае довады, абодвум абвінавачваным далі растрэл.