Шакіруючыя танцы для ветэранаў у Расіі і торт з Хатынню (фота, відэа)
Расія працягвае здзіўляць нечаканымі ініцыятывамі, звязанымі з памяццю пра Вялікую Айчынную вайну.
У расійскім горадзе Краснаярску выбралі найпрыгажэйшы торт на тэму Вялікай Айчыннай вайны. Пераможцам кандытарскага конкурсу стаў трохузроўневы торт, аздоблены паводле фатаздымкаў часоў вайны. На верхнім узроўні можна пабачыць самалёт і пахавальны ліст, на сярэднем — фігуру дзядулі з дзіцём на руках (нагадвае скульптуру ў мемарыяльным комплексе "Хатынь" у Беларусі), на ніжнім — вечны агонь, інфармуе сайт ngs24.ru.
Тым часам хітом YouTube стаў танец "Памяць перамогі" ад чэмпіёнаў-2015". Ён шакіруе даволі нечаканай пастаноўкай і выкананнем танца (гл. відэа).
Фота: ngs24.ru
