Што страшней ― “рэстаран на костках” ці заявы Шуневіча пра ЛГБТ?
Праціўнікі адкрыцця “аб’екта харчавання” побач з урочышчам Курапаты з 4 чэрвеня вядуць штодзённую вахту ля брамы рэстарацыі “Поедем Поедим”. За падзеямі ў Курапатах уважліва сочаць і журналісты, і міліцыя. У гэты ж час міністр унутраных спраў Ігар Шуневіч працягвае асуджаць “вясёлкавы сцяг” на брытанскай амбасадзе і ― беларускае грамадства, якое “не прайшло праверку на сталасць”, не падтрымаўшы “прыватную” пазіцыю МУС наконт ЛГБТ-супольнасці.
Чаму заявы міністра Шуневіча больш небяспечныя, чым адкрыццё рэстарана ў Курапатах? Ці прайшло беларускае грамадства праверку на сталасць? Чаму заявы Шуневіча ― прыкмета новых Курапат?
Гэтыя ды іншыя пытанні ў жывым эфіры Еўрарадыё абмеркавалі з Юліяй Ляшкевіч. Удзел у размове па тэлефоне прымаў сустаршыня аргкамітэта па стварэнні партыі Беларуская Хрысціянская дэмакратыя, абаронца Курапатаў Павел Севярынец.
