Штраф для Коржыка з "Вуліцы Сезам" і тры хвіліны на абдымашкі — #ІхНоравы

21/10/2024 - 14:50

Замежныя навіны / @rubanau_collage

У Германіі Коржыку з "Вуліцы Сезам" давялося заплаціць штраф за перавышэнне хуткасці. Паліцыя сітуацыяй задаволеная: гісторыя, на якую звярнулі ўвагу многія СМІ, стала нагодай яшчэ раз нагадаць немцам пра неабходнасць выконваць правілы на дарозе.

Тым часам брытанцы адзначаюць дзень нараджэння мадагаскарскага лемура, які нарадзіўся ў парку дзікай прыроды Котсуалд. Від знаходзіцца на мяжы знікнення, таму з'яўленне на свет дзіцяняці — гэта заўсёды шчасце.

Ну і пакуль на Канарскіх астравах праходзяць маніфестацыі супраць наступстваў наплыву турыстаў, у аэрапорце Новай Зеландыі ўводзяць троххвілінны ліміт на развітальныя абдымкі.

Падрабязней пра ўсё гэта чытайце ў нашай пастаяннай рубрыцы “Іх норавы”.

Штраф для Коржыка

Незвычайная гісторыя адбылася ў Германіі. У сярэдзіне верасня дарожная камера на аўтабане пад Дортмундам зафіксавала аўтамабіль, які перавысіў хуткасць на 11 км у гадзіну.

Калі праваахоўнікі разгледзелі чорна-белы здымак, яны ўбачылі, што за рулём сядзіць не хто іншы як Коржык — персанаж вядомага на ўвесь свет тэлешоу "Вуліца Сезам".

У маскарадны касцюм быў апрануты 57-гадовы кіроўца. Мужчыну лёгка вылічылі па нумары аўтамабіля і абавязалі заплаціць штраф 40 еўра — за перавышэнне хуткасці і неадпаведны выгляд за рулём (касцюм цалкам закрываў яго галаву і істотна абмяжоўваў кругагляд).

— Коржык — гэта, па сутнасці, лагодная істота, вельмі пражэрлівая, якая, аднак, у выніку не ўхіляецца ад сваіх абавязкаў, — цытуе прадстаўніка паліцыі выданне Frankfurter Allgemeine.

Нараджэнне лемура

У парку дзікай прыроды Котсуалд, дзе разводзяць мадагаскарскіх лемураў, што знаходзяцца пад пагрозай знікнення, нарадзілася дзіцяня. Яму пакуль не прыдумалі імя.

Абое бацькоў (самец Рафаэль і самка Біжу) — удзельнікі еўрапейскай праграмы гадоўлі, і ўжо чацвёрты год запар парку атрымлівае прыплод гэтых прыматаў.

Вялікія бамбукавыя лемуры вельмі рэдка нараджаюцца ў няволі. Сёння ва ўсім свеце налічваецца толькі 36 такіх жывёлін. Котсуалд — адзін з двух куткоў у свеце, дзе сёлета разводзяць гэты від.

— Віды лемураў на Мадагаскары знаходзяцца ў небяспецы праз разбурэнне асяроддзя пражывання і хуткага росту колькасці насельніцтва. Вельмі важна, каб мы павысілі інфармаванасць пра гэтую ўнікальную групу прыматаў, пакуль не стала занадта позна, — перакананы генеральны менеджар парку Котсуалд Джэймі Крэйг.

Турысты забіваюць Канары?

— Нас ігнаруюць, нібыта нас не існуе і ніякага значэння мы не маем, — скардзяцца жыхары Канарскіх астравоў, якія выступаюць супраць наступстваў наплыву турыстаў.