Сілавікі затрымалі намесніцу дырэктара адной з мінскіх школ
У школе, ілюстрацыйнае фота / minsknews.by
Сілавікі паведамляюць пра затрыманне намесніцы дырэктара па вучэбнай рабоце адной з устаноў Мінска. На відэа сілавікоў жанчына кажа, што знаходзіцца ў міліцыі і была затрыманая "за каментары на забароненых сайтах". Потым яна дадае, што ніякіх запісаў не пакідала.
У відэароліку дэманструюцца скрыншоты-выказванні: "саўдзельнік злачынства", "дзікі жах, не забудзем, не даруем". Кім і дзе яны былі пакінутыя, з роліка сілавікоў не ясна.
У ГУБАЗ заявілі, што "строга караць" затрыманую не будуць, але прыгразілі пазбавіць жанчыну магчымасці працаваць у сістэме адукацыі.
