Сілавікі зладзілі ператрус у офісе Свабоднага прафсаюза металістаў
У офісе Свабоднага прафсаюза металістаў (СПМ) на вуліцы Аранскай у Мінску адбываецца ператрус. Яго ладзяць каля 10 чалавек у балаклавах, паведамляюць праваабаронцы.
Раней, 23 сакавіка, быў затрыманы намеснік старшыні СПМ Аляксандр Еўдакімчык. На наступны дзень яго асудзілі паводле артыкула 24.3 КаАП (непадпарадкаванне міліцыянтам). Суд прызначыў Еўдакімчыку 15 сутак арышту.
Як паведамляла Еўрарадыё, нядаўна беларускія ўлады прызналі "экстрэмісцкім фармаваннем" іншы незалежны прафсаюз — РЭП.
