Следчы камітэт звязвае затрыманых "вагнераўцаў" з Сяргеем Ціханоўскім

Сяргей Ціханоўскі — папулярны Youtube-блогер, аўтар канала "Краіна для жыцця" і няспраўджаны кандыдат у прэзідэнты на выбарах 2020 года. З 29 траўня ён знаходзіцца за кратамі — яго затрымалі пасля правакацыі ў Гродне і прывезлі ў Мінск. Тады была распачатая крымінальная справа аб арганізацыі і падрыхтоўцы групавых дзеянняў, якія груба парушаюць грамадскі парадак.

У сярэдзіне ліпеня стала вядома пра яшчэ адну крымінальную справу супраць Ціханоўскага па артыкуле 191 КК: "Перашкода ажыццяўленню выбарчых правоў...". Такім чынам, відэаблогер ужо праходзіць як мінімум па чатырох артыкулах Крымінальнага кодэкса.