Стала вядома, калі ў Беларусі чакаецца чарговае пацяпленне

Стала вядома, калі ў Беларусі чакаецца чарговае пацяпленне. Як інфармуе БЕЛТА са спасылкай на беларускіх сіноптыкаў, у другой палове тыдня ў нашу краіну пачне паступаць цёплае паветра з Атлантыкі. Тэмпература паветра стане не характэрнай для канца лістапада.

У аўторак, 21 лістапада, уначы будзе ад -4 да +1 градуса, удзень — ад -1 да +4. Амаль па ўсёй Беларусі чакаюцца невялікія ападкі, пераважна мокры снег. У сераду, 22 лістапада, у начныя гадзіны прагназуецца 1-6 градусаў марозу, у дзённыя — ад -2 да +3. Невялікі снег магчымы толькі ў асобных раёнах.

У чацвер, 23 лістапада, уначы тэмпература паветра складзе 1-7 градусаў марозу, удзень — ад -3 да +3 градусаў. На захадзе краіны надвор’е будзе больш камфортным: у начныя гадзіны каля нуля, у дзённыя — 4-7 цяпла. Мокры снег і дождж пераважна пройдуць у заходніх абласцях.

У пятніцу, 24 лістапада, уначы ўжо будзе ад -3 да +3 градусаў, на ўсходзе — да -7, удзень — ад -1 да +5 (на захадзе — 6-8 градусаў цяпла). Ападкі таксама магчымыя толькі ў асобных раёнах.