Стала вядома, колькі беспілотнікаў беларусы падарылі войску
Беларускі вайсковец з беспілотнікам на вучэннях / t.me/modmilby/
Стала вядома, колькі беспілотнікаў беларусы падарылі войску. Бязвыплатна іх перадалі каля 210, паведамляе тэлеканал СТБ. Збірала беспілотнікі прарэжымная арганізацыя "Патрыёты Беларусі", якая запусціла ініцыятыву "Крылы". Перадавала яна дроны ці ў Мінабароны, ці непасрэдна ў вайсковыя падраздзяленні.
З 28 сакавіка ў РБ дзейнічае ўказ па беспілотніках, падпісаны ў верасні 2023-га. Захоўванне і абарот грамадзянскіх беспілотнікаў забароненыя для фізічных асоб на тэрыторыі нашай краіны. Грамадзяне, якія мелі ва ўласнасці беспілотнікі, былі абавязаны да 25 сакавіка "ажыццявіць адчужэнне або перадачу на захоўванне свайго БЛА" ў РУП "Белаэранавігацыя". Беларусы маглі іх перадаць не толькі войску, але і ІП ці юрыдычным асобам.
Толькі за мінулы год было зафіксавана больш за 500 парушэнняў выкарыстання жыхарамі Беларусі лятальных апаратаў.
