Старонку з мемамі ў Інстаграме прызналі "экстрэмісцкай"
Беларускія мемы сталі "экстрэмізмам" / "БелМемы"
Рэжым Лукашэнкі прызнаў "экстрэмісцкай" старонку з беларускімі мемамі ў Інстаграме, заўважылі праваабаронцы "Вясны".
Гаворка ідзе пра акаўнт "БелМемы", які мае больш за 1700 падпісчыкаў. Адпаведнае рашэнне прыняў 18 верасня суд Ленінскага раёна Гродна.
Таксама ў "экстрэмісцкі" спіс трапілі Instagram-старонкі "Андрей Стрижак", "Libereco PHR", "INeedHelpBY", Telegram-канал, чат, старонкі ў Youtube, Instagram, TikTok "Оля Токарчук", TikTok-старонкі "nikmen131", "Не Избранные", а таксама сацсеткі праекту "Около культуры".
