Старшыня Следчага камітэта Беларусі накіраваўся з працоўным візітам у ЗША

Старшыня Следчага камітэта Беларусі накіраваўся з працоўным візітам у ЗША. У Івана Наскевіча запланаваныя сустрэчы з кіраўніцтвам Федэральнага бюро расследаванняў. Таксама ён наведае шэраг падраздзяленняў ФБР і яго Акадэмію, інфармуе БЕЛТА.

Старшыня СК кажа, што ён хацеў бы азнаёміцца з магчымасцямі амерыканскіх калег. Следчы камітэт Беларусі і ФБР супрацоўнічаюць з лета 2015 года. З таго часу праведзеныя восем рабочых сустрэч і навучальных семінараў, а таксама “мноства сумесных аперацый”.