Стаў вядомы графік працы ўстаноў аховы здароўя ў святочныя дні ў Беларусі

Стаў вядомы графік працы ўсіх устаноў аховы здароўя ў выходныя і святочныя дні ў Беларусі. Яго зацвердзіла Міністэрства аховы здароўя. Ён будзе дзейнічаць у снежні 2024-га — студзені 2025-га.

Для паліклінік графік наступны:

25 снежня, 1, 2 і 7 студзеня — па графіку святочнага дня (то бок, не працуюць),

6 студзеня — па графіку суботы (скарочана),

11 студзеня — па графіку звычайнага працоўнага дня.

Для бальніц і РНПЦ графік наступны:

25 снежня, 1, 2 і 7 студзеня — па графіку святочнага дня,

6 студзеня — па графіку звычайнага працоўнага дня,

11 студзеня — па графіку суботы.

У Мінаховы здароўя абяцаюць на святы забяспечыць "бесперапыннасць лячэбнага працэсу пры аказанні меддапамогі насельніцтву". Служба хуткай меддапамогі будзе працаваць у "рэжыме павышанай гатоўнасці".