Суд упершыню прызнаў "экстрэмісцкай" старонку ў Threads, гэта старонка Еўрарадыё
Новая сацсетка з'явілася ў мінулым годзе / unian.net
Суд упершыню прызнаў "экстрэмісцкай" старонку ў сацсетцы Threads. Гэта старонка Еўрарадыё. Рашэнне 31 студзеня прыняў сумнавядомы суд Чыгуначнага раёна Гомеля. У пятніцу яно трапіла ў "Рэспубліканскі спіс экстрэмісцкіх матэрыялаў" на сайце Мінінфарма РБ.
Threads — сэрвіс мікраблогінгу і сацыяльная сетка, якая належыць кампаніі Media Platforms (мацярынская кампанія Facebook і Instagram). Яго старт адбыўся ў 2023 годзе.
