"Сядзелі б дома, варылі б боршч" — як нарадзіўся галоўны мем выбараў-2010 | Навіны Беларусі

Пасля 3-й гадзіны раніцы 20 снежня 2010 года Цэнтрвыбаркам Беларусі зладзіў прэс-канферэнцыю, каб агучыць вынікі прэзідэнцкіх выбараў. Еўрарадыё транслявала яе ў жывым эфіры.

Тры з шасці пытанняў, якія прагучалі пасля, задаў наш журналіст, а цяпер галоўны рэдактар Павел Свярдлоў. У адказ на адно з іх Лідзія Ярмошына сказала, што жанчынам, якія прыйшлі на Плошчу-2010, "няма чаго рабіць". "Сядзелі б дома, боршч варылі, а не па плошчах шасталі. Гэта пазор для жанчыны — удзельнічаць у такіх мерапрыемствах", — дадала старшыня ЦВК Беларусі. Нядобразычліўцы дагэтуль называюць яе баршчаваркай.

У нас захаваўся запіс таго, як гэта было. Не кожны раз робішся сведкам таго, як нараджаецца такі мем!

ermoshina-kakrodilsyamemproborshchi.mp3 ermoshina-kakrodilsyamemproborshchi.mp3

Яшчэ адзін мем таго вечара — фота, на якім баец АМАП са шчытом і дручком гоніцца за мужчынам. Здымак зроблены ля гатэля "Мінск" непадалёк ад Плошчы Незалежнасці. Дагэтуль невядомае ні імя мужчыны, які збягае, ні імя АМАПаўца, які за ім гоніцца.

"Сядзелі б дома, варылі б боршч" — як нарадзіўся галоўны мем выбараў-2010

19 снежня 2010 года ў Беларусі праходзілі выбары. Пасля іх людзі, нязгодныя з "перамогай" Лукашэнкі, выйшлі пратэставаць на вуліцы. З Кастрычніцкай плошчы мітынгоўцы прайшлі на Плошчу Незалежнасці. Там, пасля спробы патрапіць у Дом ураду, іх спынілі сілавікі. Пачаўся хапун, у выніку якога было затрымана болей за 600 чалавек.