Пагадненне аб "саюзным шэнгене" абяцаюць падпісаць да Новага года
Праца над міжурадавым пагадненнем паміж Беларуссю і Расіяй аб узаемным прызнанні віз выйшла на фінішную прамую. Пра гэта паведаміў 21 чэрвеня пасол Беларусі ў Расіі Уладзімір Сямашка. Паводле яго слоў, зараз бакі завяршаюць неабходныя ўнутрыдзяржаўныя працэдуры, вывяраюць ўсе нюансы прымянення "саюзнага шэнгену".
"Праца над праектам міжурадавага пагаднення аб узаемным прызнанні віз пачалася ў 2015 годзе і зараз знаходзіцца на фінішнай прамой. [...] Зыходзім з таго, што ў бліжэйшы час, да канца года, бакі завершаць працу над гэтым важным дакументам", — сказаў Сямашка.
