Сысці не сыходзячы: каму і што гарантуе новая Канстытуцыя?

З высокіх трыбун не адзін раз за апошнія паўтары года гучалі словы пра неабходнасць канстытуцыйнай рэформы. Маўляў, Канстытуцыя ў нас дае такія звышпаўнамоцтвы прэзідэнту, што пакідаць яе нязменнай наступнаму кіраўніку краіны рызыкоўна і небяспечна. А то раптам ён будзе не такі дасканалы, як Лукашэнка, і не вытрымае выпрабавання ўладай? Захоча яе ўтрымаць нават не пасінелымі, а счарнелымі пальцамі!

Ці сапраўды ў новай Канстытуцыі паўнамоцтвы ў прэзідэнта будуць абмежаваныя і як тыя паўнамоцтвы плануецца пераразмеркаваць? У што ператворыцца Усебеларускі народны сход і якая яго функцыя? Хто стане новым “лукашэнкам” і што чакае Лукашэнку старога? На гэтыя ды іншыя пытанні адказвае прадстаўнік Святланы Ціханоўскай у справах парламенцкай супрацы і канстытуцыйнай рэформы Анатоль Лябедзька.