Telegram-чат "Ліда для жыцця" прызнаны экстрэмісцкім
Суд Лідскага раёна задаволіў пазоў раённай пракуратуры і празныў экстрэмісцкім Telegram-чат "Ліда для жыцця ЧАТ", паведамляе прэс-служба Генпракуратуры.
Абвінавачанне традыцыйнае — заклікі да экстрэмісцкай дзейнасці: блакавання руху на аўтамабільных дарогах, хуліганскіх дзеянняў, актаў вандалізму, супраціву супрацоўнікам міліцыі, знішчэння і пашкоджання іх маёмасці дзеля перашкоды іх законнай дзейнасці альбо з помсты за выкананне службовых абавязкаў. Акрамя таго пракуратуры кажа пра каментары з абразамі і пагрозамі на адрас прадстаўнікоў сілавога блока і дзяржаўных службоўцаў, а таксама членаў іх сем'яў.
Копія судовага рашэння накіраваная ў Міністэрства інфармацыі для ўключэння чата ў рэспубліканскі спіс экстрэмісцкіх матэрыялаў.
