Тэлеграм-канал і чат Ціханоўскага "Страна для жизни" узламалі і пераіменавалі

19 чэрвеня ўзламаныя тэлеграм-канал і чат Сяргея Ціханоўскага "Страна для жизни". Цяпер яны называюцца "раЗАм".

Канал Ціханоўскага ўваходзіць у топ-25 беларускага "Тэлеграма" па аўдыторыі — на яго падпісана 50 тысяч чалавек. Яшчэ 45 тысяч было ў чаце — праз яго каардынаваліся пікеты ў падтрымку Святланы Ціханоўскай, там аператыўна з'яўлялася ўся актуальная інфармацыя.

Новая адміністрацыя чата амаль адразу ўвяла абмежаванне — ад аднаго карыстальніка можна адправіць толькі адно паведамленне за гадзіну. Але нехта з адмінаў змог вярнуць кантроль над чатам і аддзяліў яго ад канала.

Ініцыятыўная група Ціханоўскага выступала за байкот выбараў. Новая назва тг-канала і чата — "раЗАм" — відавочны здзек над палітычнымі прынцыпамі "кандыдатаў пратэсту".

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.